செல்வராகவனின் அடுத்த படம் குறித்த அதிகாரபூர்வ அறிவிப்பு!
- IndiaGlitz, [Saturday,March 07 2020]
பிரபல இயக்குனர் செல்வராகவன் இயக்கிய ’என்ஜிகே’ திரைப்படம் கடந்த ஆண்டு வெளியான நிலையில் அவருடைய அடுத்த படம் குறித்த அறிவிப்பு விரைவில் வரும் என்று எதிர்பார்க்கப்பட்டது. இதனை அடுத்து சமீபத்தில் செல்வராகவன் தனது சமூக வலைத்தளத்தில் அடுத்த படத்திற்கான திரைக்கதையை எழுத துவங்கி விட்டதாக அறிவித்து இருந்தார்
இந்த நிலையில் சமீபத்தில் கல்லூரி ஒன்றில் விழாவில் கலந்துகொண்ட செல்வராகவன் தனது அடுத்த படம் குறித்த அறிவிப்பை அதிகாரபூர்வமாக அறிவித்துள்ளார். தனுஷ் நடிப்பில் உருவாகவுள்ள ’புதுப்பேட்டை 2’ படம் தான் தனது அடுத்த படம் என்றும் இந்த படம் குறித்த அறிவிப்பு விரைவில் வெளிவரும் என்றும் அவர் தெரிவித்துள்ளார். இந்த படத்தில் முதல் பாகத்தில் நடித்த தனுஷ் நடிக்க உள்ளதாகவும் அவர் குறிப்பிட்டுள்ளார்
தனுஷ் நடிப்பில் யுவன் சங்கர் ராஜா இயக்கத்தில் செல்வராகவன் இயக்கிய ’புதுப்பேட்டை’ திரைப்படம் கடந்த 2006 ஆம் ஆண்டு வெளிவந்து மிகப்பெரிய வெற்றி பெற்றது என்பது தெரிந்ததே. இந்த படத்தின் இரண்டாம் பாகத்தை விரைவில் செல்வராகவன் இயக்க வேண்டும் என தனுஷ் ரசிகர்கள் கடந்த பல ஆண்டுகளாக கோரிக்கை வைத்த நிலையில் தற்போது ரசிகர்களின் கோரிக்கை நிறைவேற உள்ளது என்பது குறிப்பிடத்தக்கது