தனுஷ் நடித்த ‘ராயன்’ திரைப்படத்தின் படப்பிடிப்பு முடிவடைந்து வரும் 26 ஆம் தேதி திரையரங்குகளில் வெளியாக இருக்கும் நிலையில் இந்த படத்தின் டிரைலர் சற்று முன் இணையத்தில் வெளியாகி வைரல் ஆகி வருகிறது.

தனுஷின் ஐம்பதாவது படம் என்ற பெருமை பெற்றுள்ள இந்த படத்திற்கு ஏற்கனவே மிகப்பெரிய எதிர்பார்ப்பு ஏற்பட்டுள்ள நிலையில் தற்போது ட்ரெய்லர் வெளியானவுடன் எதிர்பார்ப்பு உச்சத்திற்கு சென்று உள்ளது என்பது குறிப்பிடத்தக்கது.

இந்த ட்ரெய்லர் வீடியோவில் ’ஒரு காட்டில் ஆபத்தான மிருகம் எது தெரியுமா? என்று செல்வராகவன் கேட்க, சிங்கம் புலி எல்லாம் வலிமையான மிருகம், ஆனால் ஆபத்தான மிருகம் ஓநாய் தான்’ என்று கூறுகிறார். சிங்கத்துடன் நேருக்கு நேர் மோதினால் ஓநாய் தோற்றுவிடும், ஆனால் ஸ்கெட்ச் போட்டால் சிங்கத்தை வீழ்த்தி விடும்’ என்று அவர் கூறுகிறார்.

இந்த கதைக்கும் ‘ராயன்’ கதைக்கும் தொடர்பு இருப்பதாக படக்குழுவினர் கோடிட்டு காட்டும் நிலையில் அதுபோலவே தனுஷ் ஸ்கெட்ச் போட்டு ஒவ்வொருவரையும் வீழ்த்தும் காட்சிகளும் இந்த டிரைலர் வீடியோவில் இடம்பெற்றுள்ளது.

மொத்தத்தில் தனுஷின் அதிரடி ஆக்ஷன் காட்சிகள், எஸ்ஜே சூர்யாவின் மாஸ் காட்சிகள் மற்றும் ஏஆர் ரகுமானின் மிரட்டலான பின்னணி இசை என இந்த ட்ரெய்லரை பார்க்கும்போது படத்தை உடனே பார்க்க வேண்டும் என்ற ஆவல் ஏற்படுகிறது.

தனுஷ், எஸ்ஜே சூர்யா, காளிதாஸ் ஜெயராம், சந்தீப் கிஷான், துஷாரா விஜயன், அபர்ணா பாலமுரளி, வரலட்சுமி சரத்குமார் ஆகியோர் நடித்துள்ளனர். ஓம் பிரகாஷ் ஒளிப்பதிவில், பிரசன்னா ஜிகே படத்தொகுப்பில் இந்த படம் உருவாகியுள்ளது. சன் பிக்சர்ஸ் நிறுவனம் தயாரித்துள்ளது.