பிரபல தொலைக்காட்சியின் நிகழ்ச்சி தொகுப்பாளரான டிடி என்ற திவ்யதர்ஷினி தனுஷ் இயக்கும் 'பவர் பாண்டி' படத்தில் சிறப்பு தோற்றத்தில் நடித்து வருகிறார் என்பதை ஏற்கனவே பார்த்தோம்.

இந்நிலையில் டிடி நடித்த காட்சிகள் சமீபத்தில் படமாக்கப்பட்டது. இந்த படப்பிடிப்பின்போது டிடியின் நடிப்பை பார்த்து ஆச்சரியம் அடைந்ததாக தனுஷ் தனது சமூக வலைத்தளத்தில் தெரிவித்துள்ளார். அவருக்கு கொடுக்கப்பட்ட கேரக்டரை மிக எளிமையாக கையாண்டு தன்னம்பிகையுடன் நடித்ததாகவும், அவருடைய நடிப்பை பார்த்து மகிழ்ச்சியும் ஆச்சரியமும் அடைந்ததாக தனுஷ் பதிவு செய்துள்ளார்

ராஜ்கிரண் முக்கிய வேடத்தில் நடித்து வரும் இந்த படத்தின் படப்பிடிப்பு மிக விரைவில் முடிவடைய உள்ளது. இந்த படத்தில் இயக்குனர் கவுதம் மேனன், ராணா ஆகியோர்களும் சிறப்பு தோற்றத்தில் நடித்து வருகின்றனர் என்பது குறிப்பிடத்தக்கது.

ராஜ்கிரண், பிரசன்னா, நதியா, சாயாசிங், டெல்லி கணேஷ், ரோபோ சங்கர், வித்யூ ராமன் உள்பட பலர் நடித்து வரும் இந்த படத்திற்கு சீன் ரோல்டான் இசையமைக்கின்றார். வேல்ராஜ் ஒளிப்பதிவு செய்யும் இந்த படத்திற்கு பிரசன்னா எடிட்டிங் செய்கிறார்.