தனுஷின் 'வாத்தி' படப்பிடிப்பு எப்போது?
- IndiaGlitz, [Thursday,December 30 2021]
தனுஷ் நடிக்கவிருக்கும் அடுத்த திரைப்படத்தை பிரபல தெலுங்கு இயக்குனர் வெங்கி அட்லுரி இயக்க இருப்பதாகவும் இந்த படத்திற்கு ’வாத்தி’ என்ற டைட்டில் வைக்கப்பட்டதாகவும் வெளிவந்த தகவலை ஏற்கனவே பார்த்தோம். சித்தாரா என்டர்டெயின்மென்ட் தயாரிக்கும் இந்தப் படத்தின் படப்பிடிப்பு அடுத்த வாரம் ஹைதராபாத்தில் தொடங்க இருப்பதாக தற்போது தகவல் வெளியாகி உள்ளது.
தனுஷ் ஜோடியாக சம்யுக்தா மேனன் நடிக்கவிருக்கும் இந்த படத்திற்கு ஜிவி பிரகாஷ் இசையமைக்க உள்ளார் என்பதும் தமிழ் தெலுங்கு மொழிகளில் ஒரே நேரத்தில் இந்த படம் தயாராக உள்ளது என்பது குறிப்பிடத்தக்கது.
தினேஷ் கிருஷ்ணன் ஒளிப்பதிவு நவீன் படத்தொகுப்பில் உருவாக இருக்கும் இந்த படத்தின் படப்பிடிப்பு மூன்று மாதங்களில் முடிந்து விடும் என்று எதிர்பார்க்கப்படுகிறது. அதன்பின்னர் சேகர் கம்முலா இயக்கும் படத்தில் தனுஷ் நடிக்க இருப்பதாகவும் அதனை அடுத்து செல்வராகவன் இயக்கத்தில் உருவாக இருக்கும் ’நானே வருவேன்’ படத்தில் தனுஷ் நடிக்க இருப்பதாகவும் தகவல்கள் வெளியாகி உள்ளன.