வெள்ள நிவாரண நிதியாக தனுஷ் ரூ.5 லட்சம் உதவி
- IndiaGlitz, [Saturday,November 28 2015]
தமிழக வெள்ள நிவாரணத்திற்காக கோலிவுட் திரையுலகினர் நிதிகளை வாரி வழங்க தொடங்கிவிட்டதாகவே தெரிகிறது. நடிகர் சங்கத்தலைவரிடம் சிவகுமார் குடும்பத்தினர் ரூ.25 லட்சம் கொடுத்து பிள்ளையார் சுழிபோட்டு ஆரம்பித்த வைக்க, அதன் பின்னர் நடிகர் சங்க செயலாளர் தனது பங்காக ரூ.10 லட்சம் வெள்ள நிவாரண நிதியாக கொடுத்தார்.
இந்நிலையில் ஏற்கனவே எதிர்பார்த்தபடி முன்னணி நடிகர்கள் ஒவ்வொருவராக தங்கள் பங்கிற்கு நிதி கொடுக்க ஆரம்பித்துவிட்டதாக கூறப்படுகிறது. தற்போது நடிகர் தனுஷ் ரூ.5 லட்சம் ரூபாயை நடிகர் சங்கத்திடம் வெள்ள நிவாரண நிதியாக கொடுத்துள்ளதாக செய்திகள் வெளிவந்துள்ளது.
இன்னும் ஓரிரு நாட்களில் நடிகர் சங்கத்தின் மூலம் சேரும் மொத்த நிதியை முதல்வரிடம் நேரில் நடிகர் சங்க நிர்வாகிகள் கொடுப்பார்கள் என கூறப்படுகிறது.