அருள்நிதி, ஜீவா இணையும் திரைப்படத்திற்கு தனுஷ் உதவி!
- IndiaGlitz, [Saturday,August 03 2019]
கோலிவுட் திரையுலகில் இளைய தலைமுறை நடிகர்களான ஜீவா மற்றும் அருள்நிதி ஒரே படத்தில் இணைய உள்ளார்கள் என்ற செய்தி ஏற்கனவே அறிந்ததே. இந்த நிலையில் இந்தத் திரைப்படத்தின் டைட்டிலை நாளை காலை 11 மணிக்கு நடிகர் தனுஷ் தனது சமூக வலைதளப் பக்கத்தில் வெளியிடவுள்ளார். நமக்கு கிடைத்த தகவலின்படி இந்த படத்தின் டைட்டில் 'களத்தில் சந்திப்போம்' என்று படக்குழுவினர் முடிவு செய்திருப்பதாக கூறப்படுகிறது. இருப்பினும் இதுகுறித்த அதிகாரபூர்வ அறிவிப்பு நாளை வெளிவரும் வரை பொறுமை காப்போம்
இந்த படத்தில் ஜீவாவுக்கு ஜோடியாக மஞ்சிமா மோகனும், அருள்நிதிக்கு ஜோடியாக ப்ரியா பவானிசங்கரும் நடிக்கவிருப்பதாகவும் இந்த படத்தை ராஜசேகர் என்பவர் இயக்கவிருப்பதாகவும் செய்திகள் வெளியாகியுள்ளது.இயக்குனர் ராஜசேகர் ஏற்கனவே விமல் நடித்த 'மாப்பிள்ளை சிங்கம் என்ற படத்தை இயக்கியவர் என்பது குறிப்பிடத்தக்கது
ஆக்சன் மற்றும் காமெடி அம்சங்கள் ஆகியவை அதிகம் இருக்கும் இந்த படத்தின் படப்பிடிப்பு விரைவில் தொடங்க இருப்பதாகவும் சென்னை, தென்காசி மற்றும் காரைக்குடி பகுதிகளில் படப்பிடிப்பை நடத்த ஏற்பாடுகள் நடைபெற்று வருவதாகவும் படக்குழுவினர் தெரிவித்தனர். மேலும் இந்த படத்தில் ரோபோ சங்கர், பாலசரவணன், ஆடுகளம் நரேன், ரேணுகா உள்பட பலர் முக்கிய கேரக்டர்களில் நடிக்க இருப்பதாகவும் இயக்குனர் ராஜசேகர் தெரிவித்துள்ளார்