பிரபல சமூக வலைத்தளமான டுவிட்டர் இணையதளத்தில் தென்னிந்திய நடிகர்களில் 2 மில்லியன்களுக்கும் அதிகமான ஃபாலோயர்களை வைத்திருக்கும் ஒரே நடிகர் என்ற பெருமையை சூப்பர் ஸ்டார் ரஜினிகாந்த் மட்டுமே பெற்றிருந்தார். இந்நிலையில் இந்த பெருமையை அவருடைய மருமகனும், பிரபல நடிகருமான தனுஷ் தற்போது பகிர்ந்து கொண்டுள்ளார்.

நேற்று 2 மில்லியன் பேர் ஃபாலோயர்களை தனுஷின் டுவிட்டர் தளம் பூர்த்தி செய்தது. இதுகுறித்து கருத்து கூறியிருந்த தனுஷ், '2 மில்லியன் ஃபாலோயர்ஸ் என்ற பெருமையை கொடுத்த அனைவருக்கும் நன்றி. என்னை நேசிக்கும், வழிகாட்டும், ஊக்குவிக்கும் அனைவருக்கும் நன்றி தெரிவித்து கொள்கிறேன்' என்று கூறியுள்ளார்.

தனுஷ் தற்போது 'விஐபி 2', பிரபுசாலமன் இயக்கத்தில் ஒரு படம் ஆகியவற்றில் நடித்து வருகிறார். இந்த படங்களை முடித்துவிட்டு துரைசெந்தில்குமார் இயக்கத்தில் முதன்முதலாக இரட்டை வேடத்தில் ஒரு படமும், வெற்றிமாறன் இயக்கத்தில் ஒரு படமும், பாலிவுட்டில் ஒரு படத்திலும் நடிக்கவுள்ளார்.