கொரோனா லாக்டவுன் நேரத்தில் பிசியாக இருக்கும் பல நடிகர் நடிகைகள் கடந்த நான்கு மாதங்களாக வீட்டில் சும்மாவே இருக்கிறார்கள் என்பது குறிப்பிடத்தக்கது. நடிகைகளாவது அவ்வப்போது தங்களது சமூக வளைதளத்தில் வித்தியாசமான, கவர்ச்சியான புகைப்படங்களை பதிவு செய்து ரசிகர்கள் தங்களை மறக்காமலிருக்க முயற்சி செய்து வருகின்றனர்.

ஆனால் நடிகர்களோ என்ன செய்கிறார்கள் என்பதே தெரியாமல் உள்ளது. குறிப்பாக மாஸ் நடிகர்கள் குறித்த செய்திகள் எதுவுமே கடந்த சில நாட்களாக வெளிவரவில்லை என்பது குறிப்பிடத்தக்கது. இந்த நிலையில் தமிழ்த் திரையுலகில் பிஸியாக இருக்கும் ஹீரோக்களில் ஒருவரான நடிகர் தனுஷ் இந்த லாக்டவுன் நேரத்தில் முழுக்க முழுக்க தனது குடும்பத்தினருடன் பொழுதை கழித்து வருகிறார்.

சற்றுமுன் தனுஷ் தனது வீட்டின் மொட்டை மாடியில் தனது இரண்டு மகன்களுடன் விளையாடும் புகைப்படம் ஒன்று சமூக வலைத்தளத்தில் வைரலாகி வருகிறது. ஒரு மகன் அவரது முதுகில் ஏறி உட்கார்ந்து கொண்டிருப்பது போன்றும் இன்னொரு மகன் அவரது எதிரில் இருப்பது போன்றும் உள்ள இந்த புகைப்படத்தை தனுஷ் ரசிகர்கள் வைரலாக்கி வருகின்றனர் என்பது குறிப்பிடத்தக்கது.

ஏற்கனவே ’ஜகமே தந்திரம்’ ’கர்ணன்’ ஆகிய இரண்டு படங்களில் நடித்து முடித்துவிட்ட தனுஷ், லாக்டவுன் முடிந்தவுடன் இந்தி படத்தில் நடிக்க உள்ளார் என்பதும் அதனை அடுத்து கார்த்திக் நரேன், வெற்றிமாறன் உள்ளிட்டோர் இயக்கும் படங்களில் நடிக்க உள்ளார் என்பதும் குறிப்பிடத்தக்கது.