தனுஷின் அடுத்தடுத்த 4 படங்களின் முக்கிய தேதிகள்
- IndiaGlitz, [Monday,May 30 2016]
தனுஷ் நடித்த 'தங்கமகன்' ரிலீஸ் ஆகி கிட்டத்தட்ட ஆறுமாதங்கள் ஆகிவிட்ட நிலையில் தனுஷின் அடுத்த படம் இன்னும் ரிலீஸ் ஆகவில்லையே என எதிர்பார்த்து காத்திருக்கும் அவரது ரசிகர்களுக்கு ஒரு நற்செய்தி கிடைத்துள்ளது.
தனுஷ் ஏற்கனவே 'தொடரி' மற்றும் 'கொடி' ஆகிய இரண்டு படங்களில் நடித்து முடித்துவிட்டார் என்பது அனைவரும் தெரிந்ததே. இந்நிலையில் இந்த இரண்டு படங்களும் அடுத்தடுத்த மாதங்களில் ரிலீஸ் ஆகவுள்ளதாக கூறப்படுகிறது.
பிரபுசாலமன் இயக்கத்தில் தனுஷ், கீர்த்தி சுரேஷ் நடித்த 'தொடரி' திரைப்படம் ஜூன் இறுதியில், துரைசெந்தில்குமார் இயக்கத்தில் தனுஷ், த்ரிஷா, அனுபமா பரமேஸ்வரன் நடித்த 'கொடி' திரைப்படம் ஜூலையிலும் ரிலீஸ் ஆகவுள்ளதாக தகவல்கள் வந்துள்ளது.
மேலும் கவுதம் மேனன் இயக்கத்தில் தனுஷ் நடித்து வரும் 'எனை நோக்கி பாயும் தோட்டா' படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் கார்த்திக் சுப்புராஜ் இயக்கத்தில் தனுஷ் நடிக்கவுள்ள படத்தின் படப்பிடிப்பு வரும் செப்டம்பர் மாதம் தொடங்கவுள்ளது என்பது குறிப்பிடத்தக்கது.