தனுஷ் தற்போது வெற்றிமாறன் இயக்கத்தில் 'அசுரன்' திரைப்படத்திலும் துரை செந்தில்குமார் இயக்கத்தில் ஒரு படத்திலும் நடித்து வருகிறார். இந்த நிலையில் கார்த்திக் சுப்புராஜ் இயக்கத்தில் தனுஷ் நடிக்கும் படம் சமீபத்தில் உறுதி செய்யப்பட்டது.

இந்த படத்திற்கான ஆரம்பகட்ட பணியை கார்த்திக் சுப்புராஜூம் அவருடைய குழுவினர்களும் தொடங்கிவிட்ட நிலையில் சமீபத்தில் இந்த படத்திற்கான ஒருசில நடிகர்களை மதுரையில் தேர்வு செய்தனர். அப்போதுதான் இந்த படத்தின் கதை மதுரையை சுற்றி நடைபெறும் ஒரு கதை என்றும், இதில் தனுஷ் மதுரைக்காரராக நடிக்கவிருப்பதும் தெரிய வந்துள்ளது.

மேலும் இந்த படத்தின் ஒருசில முக்கிய காட்சிகள் அமெரிக்காவிலும் படமாக்க திட்டமிடப்பட்டுள்ளது. ஒய்நாட் ஸ்டுடியோஸ் நிறுவனம் தயாரிக்கவுள்ள இந்த படத்தின் படப்பிடிப்பு குறித்தா அறிவிப்பு விரைவில் வெளிவரும் என்று எதிர்பார்க்கப்படுகிறது.