தனுஷின் அடுத்த படத்தை இயக்கும் இயக்குனர்
- IndiaGlitz, [Saturday,April 23 2016]
தனுஷ் நடித்த 'கொடி' மற்றும் 'தொடரி' ஆகிய இரண்டு படங்களின் படப்பிடிப்புகளும் முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது. இந்த இரண்டு படங்களின் ரிலீஸ் தேதிகளும் விரைவில் அறிவிக்கப்படும் என எதிர்பார்க்கப்படுகிறது.
இந்நிலையில் தனுஷ் தற்போது இயக்குனர் கவுதம் மேனன் இயக்கத்தில் 'எனை நோக்கி பாயும் தோட்டா' என்ற படத்தில் நடித்து வருகிறார். இந்த படத்தின் படப்பிடிப்பு சென்னை மற்றும் துருக்கி நாடுகளில் நடைபெற்று முடிந்துள்ளது.
இந்நிலையில் தனுஷ் நடிக்கவுள்ள அடுத்த படத்தின் இயக்குனர் குறித்த அதிகாரபூர்வ அறிவிப்பை இன்று இரவு 8 மணிக்கு அறிவிக்கவுள்ளார். இந்த தகவலை தனுஷ் தனது சமூக வலைத்தளத்தில் பதிவு செய்துள்ளார். இன்னும் ஒருசில நிமிடங்களில் தனுஷை இயக்குபவர் யார் என்பது தெரியவரும்.