தனுஷ் நடித்த ’பட்டாஸ்’ திரைப்படம் சமீபத்தில் வெளியாகி மிகப்பெரிய வெற்றியை பெற்றது என்பது தெரிந்ததே. இந்த படத்தை தயாரித்த சத்யஜோதி பிலிம்ஸ் நிறுவனத்திற்கு நல்ல லாபம் கிடைத்திருக்க வாய்ப்பு இருப்பதாக டிரேடிங் வட்டாரங்கள் கூறுகின்றன. இந்த நிலையில் தனுஷ்-சத்யஜோதி பிலிம்ஸ் இணையும் அடுத்த படம் குறித்த அதிகாரப்பூர்வ அறிவிப்பு தற்போது வெளிவந்துள்ளது.

சத்யஜோதி பிலிம்ஸ் தயாரிப்பில் தனுஷ் நடிக்கவிருக்கும் தனுஷ் 43 என்ற படத்தை இளம் இயக்குநர் கார்த்திக் நரேன் இயக்க உள்ளார். இவர் ஏற்கனவே ’துருவங்கள் பதினாறு’ ’நரகாசுரன்’ மற்றும் ’மாபியா’ ஆகிய படங்களை இயக்கியுள்ளார் என்பது குறிப்பிடத்தக்கது. மேலும் தனுஷ்-கார்த்திக் நரேன் இணையும் இந்தப் படத்திற்கு ஜீவி பிரகாஷ் இசையமைக்கவுள்ளார் என்பது குறிப்பிடத்தக்கது. இந்த படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.

தனுஷ் தற்போது மாரி செல்வராஜ் இயக்கிவரும் ’கர்ணன்’ என்ற திரைப்படத்தில் நடித்து வருகிறார் என்பதும் இந்த படத்தின் படப்பிடிப்பு முடிவடைந்தவுடன் அவர் கார்த்திக் நரேன் படப்பிடிப்பில் இணைவார் என்று தெரிகிறது.