தனுஷ் நடிப்பில் கவுதம் மேனன் இயக்கி வரும் 'எனை நோக்கி பாயும் தோட்டா' படத்தின் படப்பிடிப்பு கடந்த சில மாதங்களாக விறுவிறுப்புடன் நடந்து வந்த நிலையில் இந்த படத்தின் 85% படப்பிடிப்பு முடிந்துவிட்டதாக கூறப்படுகிறது.

தனுஷ் இயக்கி வரும் 'பவர்பாண்டி' படத்தின் பணிகள் முடிந்ததும் மீண்டும் 'எனை நோக்கி பாயும் தோட்டா' படத்தின் படப்பிடிப்பில் கலந்து கொள்வார் என்று எதிர்பார்க்கப்படுகிறது.

இந்நிலையில் நாளை மறுநாள் உலகம் முழுவதும் கிறிஸ்துமஸ் திருவிழா கொண்டாடப்படவுள்ள நிலையில் நாளை இரவு எட்டு மணிக்கு 'எனை நோக்கி பாயும் தோட்டா' படத்தின் டீசரை வெளியிட படக்குழு முடிவு செய்து அதற்கான அறிவிப்பையும் வெளியிட்டுள்ளது. இந்த டீசர் தனுஷ் ரசிகர்களுக்கு கிறிஸ்துமஸ் விருந்தாக இருக்கும் என்பதில் சந்தேகம் இல்லை.

தனுஷ், மேக்னா ஆகாஷ், ராணா உள்ளிட்ட பலர் நடித்துள்ள இந்த படத்திற்கு டி.ஜான் ஒளிப்பதிவு, அந்தோணி படத்தொகுப்பும் செய்து வருகின்றனர். ஒன்றாக எண்டர்டெயின்மெண்ட் மற்றும் எஸ்கேப் ஆர்ட்டிஸ் நிறுவனங்கள் இணைந்து இந்த படத்தை தயாரிக்கின்றன.