தனுஷின் 'மாஸ்' அறிவிப்பு இதுவா? ஆச்சரியத்தில் கோலிவுட்
- IndiaGlitz, [Sunday,November 06 2016]
கடந்த தீபாவளி தினத்தில் வெளியான 'கொடி' நல்ல ரிசல்ட்டை கொடுத்துள்ள நிலையில் தனுஷ் தற்போது 'எனை நோக்கி பாயும் தோட்டா', 'வடசென்னை' ஆகிய படங்களில் நடித்து கொண்டிருக்கின்றார். மேலும் அவர் ராஜ்கிரண் முக்கிய வேடத்தில் நடிக்கும் 'பவர்பாண்டி' படத்தை இயக்கியும் வருகிறார்.
அதுமட்டுமின்றி செளந்தர்யா ரஜினியின் அடுத்த படத்திலும் கார்த்திக் சுப்புராஜின் அடுத்த படத்தில் நடிக்கவுள்ளதாக செய்திகள் வெளிவந்துள்ளது. இந்நிலையில் தனுஷ் விரைவில் ஒரு மாஸ் அறிவிப்பை அறிவிக்கவுள்ளதாக வெளிவந்த செய்தியை பார்த்தோம்,.
இந்த மாஸ் அறிவிப்பை வரும் புதன்கிழமை தனுஷ் வெளியிடவுள்ளதாக அவருடைய சமூக வலைத்தளத்தில் பதிவு செய்யப்பட்டுள்ளது. இந்த மாஸ் அறிவிப்பு எதுவாக இருக்கும் என்று கோலிவுட் திரையுலகினர் ஊகித்து வரும் நிலையில் செல்வராகவன் இயக்கத்தில் இளையதளபதி விஜய் நடிக்கவுள்ள படத்தை தனுஷ் தயாரிக்கும் அறிவிப்பாக இருக்கலாம் என கூறப்படுகிறது. விஜய், தனுஷ், செல்வராகவன் கூட்டணி இணைந்தால் அதை விட ஒரு மாஸ் அறிவிப்பு வேறு இருக்காது என்றே கூறப்படுகிறது.