'கொடி', 'காஷ்மோரா' சென்னை ஓப்பனிங் வசூல் நிலவரம்
- IndiaGlitz, [Monday,October 31 2016]
கடந்த தீபாவளியில் மிகப்பெரிய எதிர்பார்ப்புடன் வெளியான கார்த்தியின் 'காஷ்மோரா' மற்றும் தனுஷின் 'கொடி' ஆகிய படங்கள் ஊடகங்களின் பாசிட்டிவ் விமர்சனங்கள் காரணமாக தமிழகம் முழுவதும் திருப்திகரமான வசூலை கொடுத்து வரும் நிலையில் இந்த படங்களின் சென்னை வசூல் குறித்த தகவல்களை தற்போது பார்ப்போம்.
சென்னையில் தனுஷின் 'கொடி' திரைப்படம் 23 திரையரங்க வளாகங்களில் 350 காட்சிகள் திரையிடப்பட்டு ரூ.1,44,15,880 வசூலாகியுள்ளது. திரையரங்குகளில் 95% பார்வையாளர்கள் நிரம்பியிருந்ததால் இந்த படத்திற்கு நல்ல ஓப்பனிங் வசூல் கிடைத்துள்ளதுஜ்.
இதேபோல் கார்த்தியின் 'காஷ்மோரா' திரைப்படம் சென்னையில் 17 திரையரங்கு வளாகங்களில் திரையிடப்பட்டு அதிகாலை காட்சிகள் உள்பட 302 காட்சிகள் ஓடியுள்ளது. முதல் நாளில் 1,18,56,420 ரூபாய் இந்த படம் வசூல் செய்துள்ளது என்பது குறிப்பிடத்தக்கது. மேலும் திரையரங்குகள் 95% நிரம்பியிருந்தது என்றும் கார்த்தியின் படங்களில் இந்த படம் நல்ல ஓப்பனிங் வசூலை கொடுத்துள்ளது என்றும் செய்திகள் வெளிவந்துள்ளது.