தனுஷின் 'விஐபி 2' ரிலீஸ் தேதி?
- IndiaGlitz, [Wednesday,March 22 2017]
தனுஷ் இயக்கிய முதல் படமான 'பவர்பாண்டி' படத்தின் டீசர் இன்று வெளியாகவுள்ளது என்பதும், இந்த படம் வரும் ஏப்ரல் 14ஆம் தேதி தமிழ்ப்புத்தாண்டு தினத்தில் வெளியாகவுள்ளது என்பதும் ஏற்கனவே அறிந்ததே
இந்த நிலையில் ரஜினிகாந்த் மகள் செளந்தர்யா ரஜினிகாந்த் இயக்கத்தில் தனுஷ் நடித்து வந்த 'விஐபி 2' திரைப்படத்தின் படப்பிடிப்பு சமீபத்தில் முடிவடைந்தது. தற்போது இந்த படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் ரிலீஸ் தேதி குறித்த தகவல் வெளிவந்துள்ளது. 'விஐபி 2' திரைப்படம் வரும் ஜூலை 14ஆம் தேதி ரிலீஸ் ஆகும் என்று கூறப்படுகிறது. மேலும் இந்த படத்தின் டீசர் மே இறுதியில் வெளியாகும் என்று எதிர்பார்க்கப்படுகிறது.
தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ள இந்த படத்திற்கு சீன் ரோல்டன் இசையமைத்துள்ளார். சமீர் தாஹிர் ஒளிப்பதிவாளராகவும், சத்யராஜ் நடராஜன் படத்தொகுப்பாளராகவும் பணிபுரிந்துள்ள இந்த படத்தை கலைப்புலி எஸ்.தாணு மற்றும் தனுஷ் ஆகியோர் இணைந்து தயாரித்துள்ளனர்.