தனுஷின் 'வடசென்னை' ரன்னிங் டைம் என்ன தெரியுமா?
- IndiaGlitz, [Saturday,October 13 2018]
தனுஷின் கனவுப்படங்களில் ஒன்றான 'வடசென்னை' திரைப்படம் வரும் ஆயுதபூஜை திருநாளில் உலகம் முழுவதும் வெளியாகவுள்ளது. இந்த படத்தின் புரமோஷன் வெகு சிறப்பாக நடந்து கொண்டிருக்கும் நிலையில் சமீபத்தில் இந்த படத்திற்கு சென்சார் அதிகாரிகள் 'ஏ' சான்றிதழ் கொடுத்தனர் என்பதை ஏற்கனவே பார்த்தோம்.
இந்த நிலையில் இந்த படத்தின் ரன்னிங் டைம் குறித்த தகவல் தற்போது வெளிவந்துள்ளது. இந்த படம் 166 நிமிடங்கள் அதாவது 2 மணி நேரம் 46 நிமிடங்கள் ஓடும் வகையில் ரன்னிங் டைம் உள்ளது. கொஞ்சம் நீளம் அதிகமாக இருந்தாலும் விறுவிறுப்பாக இருக்கும் பட்சத்தில் படத்திற்கு நல்ல வரவேற்பு கிடைக்கும் என எதிர்பார்க்கப்படுகிறது.
தனுஷ், ஐஸ்வர்யா ராஜேஷ், ஆண்ட்ரியா, சமுத்திரக்கனி, அமீர், டேனியல் பாலாஜி, கிஷோர், உள்பட பலர் நடித்துள்ள 'வடசென்னை' படத்திற்கு சந்தோஷ் நாராயணன் இசையமைத்துள்ளார். வேல்ராஜ் ஒளிப்பதிவில், ஜிபி வெங்கடேஷ் படத்தொகுப்பில் உருவாகியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.