தனுஷ் நடிப்பில் வெற்றிமாறன் இயக்கிய 'வடசென்னை' திரைப்படம் இந்த ஆண்டின் மிகவும் எதிர்பார்ப்புக்குரிய படங்களில் ஒன்று என்பது தெரிந்ததே. மூன்று பாகங்களாக எடுக்க திட்டமிட்டிருந்த இந்த படத்தின் முதல் பாகத்தின் படப்பிடிப்பு முடிந்து இரவுபகலாக போஸ்ட் புரடொக்சன்ஸ் பணிகள் நடந்து வரும் நிலையில் இந்த படத்தின் ரிலீஸ் தேதியை தனுஷ் அறிவித்துள்ளார்.

'வடசென்னை' திரைப்படம் அக்டோபர் 17ஆம் தேதி அதாவது ஆயுதபூஜை விடுமுறை தினத்தில் வெளியாகவுள்ளது. நீண்ட விடுமுறை தினத்தில் இந்த படம் வெளியாவதால் நல்ல ஓப்பனிங் வசூல் இந்த படத்திற்கு கிடைக்க வாய்ப்பு உள்ளது. இந்த படத்தின் ரிலீஸ் தேதியுடன் கூடிய புதிய போஸ்டரை சற்றுமுன் தனுஷ் தனது சமூக வலைத்தளத்தில் பதிவு செய்துள்ளார்.

தனுஷ், ஐஸ்வர்யா ராஜேஷ், ஆண்ட்ரியா, சமுத்திரக்கனி, அமீர், டேனியல் பாலாஜி, கிஷோர், உள்பட பலர் நடித்துள்ள 'வடசென்னை' படத்திற்கு சந்தோஷ் நாராயணன் இசையமைத்துள்ளார். வேல்ராஜ் ஒளிப்பதிவில், ஜிபி வெங்கடேஷ் படத்தொகுப்பில் உருவாகியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.