'வடசென்னை' திரைப்படத்திற்கு 'ஏ' சான்றிதழ்! ஏன் தெரியுமா?
- IndiaGlitz, [Tuesday,October 09 2018]
தனுஷ் நடிப்பில் இயக்குனர் வெற்றிமாறன் இயக்கிய 'வடசென்னை' திரைப்படம் வரும் ஆயுதபூஜை திருநாளில் உலகம் முழுவதும் வெளியாகவுள்ளது. தனுஷின் கனவுப்படங்களில் ஒன்றான இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது.
இந்த நிலையில் இந்த படத்தை இன்று சென்சார் அதிகாரிகள் பார்த்து படத்திற்கு 'ஏ' சான்றிதழ் கொடுத்துள்ளனர். இந்த படத்தில் எந்த காட்சிகளையும் நீக்க சம்மதிக்காததாலும், ஒருசில வன்முறை காட்சிகள் இயல்பாக இருப்பதாலும் இந்த படத்திற்கு 'ஏ' சான்றிதழ் வழங்கப்பட்டுள்ளதாக தனுஷ் தனது சமூக வலைத்தளத்தில் விளக்கம் அளித்துள்ளார்.
தனுஷ், ஐஸ்வர்யா ராஜேஷ், ஆண்ட்ரியா, சமுத்திரக்கனி, அமீர், டேனியல் பாலாஜி, கிஷோர், உள்பட பலர் நடித்துள்ள 'வடசென்னை' படத்திற்கு சந்தோஷ் நாராயணன் இசையமைத்துள்ளார். வேல்ராஜ் ஒளிப்பதிவில், ஜிபி வெங்கடேஷ் படத்தொகுப்பில் உருவாகியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.
#Vadachennai comes with its raw, gritty, uncut intensity to the theatres from 17th October, censored ‘A’. #oct17 #anbu
— Dhanush (@dhanushkraja) October 9, 2018