தனுஷ் நடித்த ‘வாத்தி’ திரைப்படம் நாளை மறுநாள் உலகம் முழுவதும் திரையரங்குகளில் வெளியாக உள்ளிருக்கும் நிலையில் இந்த படத்தின் இறுதி கட்ட புரமோஷன் பணிகள் நடைபெற்று வருகிறது என்பதும் சமீபத்தில் வெளியான ட்ரெய்லருக்கு பின் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பதும் தெரிந்ததே.

தமிழ் தெலுங்கு ஆகிய இரண்டு மொழிகளில் ஒரே நேரத்தில் ரிலீசாக இருக்கும் இந்த படம் ரசிகர்கள் மத்தியில் நல்ல வரவேற்பு பெரும் என்று எதிர்பார்க்கப்படுகிறது. இந்த நிலையில் ‘வாத்தி’ திரைப்படத்தின் சென்சார் மற்றும் ரன்னிங் டைம் குறித்த தகவல்கள் வெளியாகி உள்ளன.

‘வாத்தி’ திரைப்படத்தை பார்த்த சென்சார் அதிகாரிகள் இந்த படத்திற்கு ’யூ’ சான்றிதழ் அளித்துள்ளனர். மேலும் இந்த படம் 139 நிமிடங்கள் அதாவது 2 மணி நேரம் 19 நிமிடங்கள் மட்டுமே ரன்னிங் டைம் கொண்ட படமாக உள்ளது. சமீப காலங்களில் வெளிவந்த படங்களில் இந்த படத்தின் ரன்னிங் டைம் மிகவும் குறைவு என்பது குறிப்பிடத்தக்கது.

தனுஷ், சம்யுக்தா ஹெக்டே, சாய்குமார் உள்ளிட்ட பலர் நடித்துள்ள இந்த படத்தை வெங்கி அட்லுரி இயக்கியுள்ளார். ஜிவி பிரகாஷ் இசையமைத்த இந்த படத்தின் பாடல்கள் ஏற்கனவே ஹிட்டாகியுள்ளது என்பது தெரிந்ததே.