தனுஷின் 'வாத்தி' அட்டகாசமான தீபாவளி போஸ்டர்: ரசிகர்கள் குஷி!
- IndiaGlitz, [Monday,October 24 2022]
தனுஷ் நடித்துவரும் ‘வாத்தி’ படத்தின் படப்பிடிப்பு முடிந்துவிட்ட நிலையில் இந்த படத்தின் தொழில்நுட்ப பணிகள் விறுவிறுப்பாக நடைபெற்று வருகின்றன. இந்த படம் டிசம்பர் 2ஆம் தேதி வெளியாகும் என்று எதிர்பார்க்கப்படும் நிலையில் இந்த படத்தின் புரமோஷன் பணிகளையும் விரைவில் முடிக்க படக்குழுவினர் திட்டமிட்டுள்ளனர் என்பது குறிப்பிடத்தக்கது
ஏற்கனவே ஐரோப்பிய நாடுகளில் திரையரங்கு ரிலீஸ் உரிமை உள்பட ஒருசில உரிமைகளின் வியாபாரமும் முடிந்துவிட்டதாக கூறப்படுகிறது. இந்த நிலையில் தனுஷ் நடித்த ‘வாத்தி’ படத்தின் தீபாவளி சிறப்பு போஸ்டர் சற்றுமுன் வெளியாகியுள்ளது. அதிரடி ஆக்ஷன் காட்சிகளுடன் கூடிய அட்டகாசமான போஸ்டர் தற்போது வைரலாகி வருகிறது.
தமிழ், தெலுங்கு ஆகிய இரண்டு மொழிகளில் உருவாகியிருக்கும் இந்த படத்தில் தனுஷ், சம்யுக்தா மேனன், சாய்குமார், சமுத்திரகனி உள்ளிட்ட பலர் நடித்துள்ளனர். வெங்கி அட்லுரி இயக்கியுள்ள இந்த படத்திற்கு ஜிவி பிரகாஷ்குமார் இசையமைத்துள்ளார்.