'எண்ணம் போல் வாழ்க்கை': தனுஷின் 'வாத்தி' செம அப்டேட்..!
- IndiaGlitz, [Wednesday,February 01 2023]
தனுஷ் நடித்த ‘வாத்தி’ திரைப்படத்தின் படப்பிடிப்பு முடிவடைந்து இந்த படத்தின் இறுதி கட்ட போஸ்ட் புரடொக்சன் பணிகள் நடைபெற்று வருகிறது என்பது தெரிந்தது. பிப்ரவரி 17ஆம் தேதி உலகம் முழுவதும் திரையரங்குகளில் பிரம்மாண்டமாக வெளியாகவுள்ள இந்த படத்தின் புரமோஷன் பணிகளும் தொடங்கப்பட்டுவிட்டன.
இந்த நிலையில் சற்றுமுன் வெளியான முக்கிய அறிவிப்பில் ‘வாத்தி’ படத்தின் இசை வெளியீட்டு விழா பிப்ரவரி 4ஆம் தேதி நடைபெறும் என அறிவிக்கப்பட்டுள்ளது. மிகவும் பிரமாண்டமாக நடத்த திட்டமிடப்பட்டுள்ள இந்த விழாவில் தனுஷ், இசையமைப்பாளர் ஜிவி பிரகாஷ் உட்பட குழுவினர் கலந்து கொள்ள உள்ளனர்.
இது குறித்து வெளியான வீடியோவில் ’எண்ணம் போல் வாழ்க்கை, எண்ணம் போல் தான் வாழ்க்கை அதுதான் உண்மை, என் எண்ணம் என் ரசிகர்களின் மீது, அவர்கள் தான் என் வாழ்க்கை’ என்ற ஆடியோ உடன் கூடிய வீடியோ வெளியாகி உள்ள நிலையில் இந்த வீடியோ தற்போது வைரல் ஆகி வருகிறது.
பிரபல தெலுங்கு பட இயக்குனர் வெங்கி அட்லூரி இயக்கத்தில் உருவாகிய இந்த படத்தில் தனுஷ், சம்யுக்தா ஹெக்டே, சாய்குமார் உள்ளிட்ட பலர் நடித்துள்ளனர். தமிழ் தெலுங்கு என இரண்டு மொழிகளில் உருவாகிய இந்த படம் இந்த ஆண்டின் முதல் வெற்றி படமாக தனுஷ்க்கு இருக்கும் என்று எதிர்பார்க்கப்படுகிறது.
Let the celebration begin 🎉
— Sithara Entertainments (@SitharaEnts) February 1, 2023
நம்ம #வாத்தி வரார் 🔥#Vaathi Grand Audio Launch on 4th Feb 🥳#VaathiVaraar 🕺@dhanushkraja #VenkyAtluri @iamsamyuktha_ @gvprakash @dopyuvraj @NavinNooli @vamsi84 #SaiSoujanya @SitharaEnts @Fortune4Cinemas @7screenstudio @adityamusic pic.twitter.com/yCY3J3Pc7N