தனுஷின் அடுத்த பட டைட்டில் குறித்த தகவல்
- IndiaGlitz, [Thursday,January 30 2020]
சமிபத்தில் அசுரன், பட்டாஸ் ஆகிய இரண்டு சூப்பர் ஹிட் படங்களை கொடுத்த நடிகர் தனுஷ் தற்போது ’பரியேறும் பெருமாள்’ இயக்குனர் மாரி செல்வராஜ் இயக்கத்தில் உருவாகிவரும் ’கர்ணன்’ என்ற படத்தில் நடித்து வருகிறார். இந்த படத்தின் படப்பிடிப்பு நெல்லை மற்றும் அதன் சுற்றுப்புற வட்டாரங்களில் விறுவிறுப்பாக நடைபெற்று வருகிறது என்பது குறிப்பிடத்தக்கது. சமீபத்தில் இந்த படத்தின் ஒரு ஸ்டில்லை தனுஷ் வெளியிட்டார் என்பதும், அந்த ஸ்டில் மிகப்பெரிய வரவேற்பை பெற்றது என்பதும் தெரிந்ததே.
இந்த நிலையில் தனுஷ் நடிக்கவிருக்கும் மூன்றாவது பாலிவுட் படத்தின் டைட்டில் குறித்த தகவல் தற்போது வெளிவந்துள்ளது. ஏற்கனவே ’ராஜண்ணா’ மற்றும் ‘ஷமிதாப்’ ஆகிய இரண்டு இந்திப் படங்களில் நடித்த தனுஷ் தற்போது இயக்குனர் ஆனந்த் எல் ராய் இயக்கத்தில் மீண்டும் ஒரு இந்தி படத்தில் நடிக்க உள்ளார். இந்த படத்தில் அக்ஷய்குமார் ஒரு முக்கிய வேடத்தில் நடிக்க உள்ளார் என்பதும் தனுசுக்கு ஜோடியாக சாரா அலிகான் நடிக்கவுள்ளார் என்பது குறிப்பிடத்தக்கது.
வரும் மே மாதம் 1ஆம் தேதி முதல் இந்த படத்தின் படப்பிடிப்பு தொடங்கும் என்றும் இந்த படத்திற்கு இசைப்புயல் ஏஆர் ரஹ்மான் அவர்கள் இசையமைக்க உள்ளதாகவும் கூறப்படுகிறது. இந்நிலையில் இந்த படத்திற்கு ’AtrangiRe’என்ற டைட்டில் வைக்கப்பட்டுள்ளதாக சமூக வலை தளங்களில் செய்திகள் பரவி வருகிறது. இது குறித்த அதிகாரப்பூர்வ அறிவிப்பு விரைவில் வெளிவரும் என எதிர்பார்க்கப்படுகிறது.