தனுஷ் நடித்த ’அசுரன் மற்றும் ’என்னை நோக்கி பாயும் தோட்டா’ ஆகிய இரண்டு திரைப்படங்கள் அடுத்தடுத்து வெளியான நிலையில் இந்த இரண்டு படங்களில் ’அசுரன்’ திரைப்படம் மிகப் பெரிய வெற்றி பெற்று வசூலிலும் சாதனை புரிந்தது.

இந்த நிலையில் தனுஷின் அடுத்த படமான ’பட்டாஸ்’ திரைப்படம் ரிலீசுக்கு தயாராகி விட்டதை கடந்த சில நாட்களுக்கு முன்னர் பார்த்தோம். இந்த நிலையில் இந்த படத்தின் அதிகாரபூர்வ ரிலீஸ் தேதியுடன் கூடிய மோஷன் போஸ்டர் நாளை மாலை 5 மணிக்கு வெளியாகும் என்று இந்த படத்தின் தயாரிப்பு நிறுவனமான சத்யஜோதி நிறுவனம் தனது சமூக வலைத்தளத்தில் தெரிவித்துள்ளது. இதனை அடுத்து இந்த படத்தின் ரிலீஸ் தேதி குறித்த அறிவிப்பை எதிர்நோக்கி தனுஷ் ரசிகர்கள் மிகவும் ஆவலுடன் காத்திருக்கின்றனர்.

தனுஷ், சினேகா, மெஹ்ரின் பிர்ஜதா, ஜெகபதிபாபு, முனிஸ்காந்த் உள்ளிட்ட பலர் நடித்துள்ள இந்த படத்தை துரை செந்தில்குமார் இயக்கியுள்ளார். விவேக்-மெர்வின் இசையில் ஓம்பிரகாஷ் ஒளிப்பதிவில் பிரகாஷ்பாபு படத்தொகுப்பில் உருவாகியுள்ள இந்த படம் தனுஷின் அடுத்த வெற்றிப்படமாக இருக்கும் என எதிர்பார்க்கப்படுகிறது.

Get ready fans ... #PattasMotionPosterTomorrow with the RELEASE DATE announcement at 5PM ! Let the clocks start ticking ??️@dhanushkraja @durairsk @omdop @dhilipaction @actress_Sneha @Mehreenpirzada @Naveenc212 @Gdurairaj10 @PrakashMabbu @LahariMusic pic.twitter.com/mGxrDRY9J9

— Sathya Jyothi Films (@SathyaJyothi_) December 13, 2019