தனுஷின் அடுத்த படத்தின் டைட்டில் அறிவிப்பு
- IndiaGlitz, [Saturday,December 22 2018]
தனுஷ் நடிப்பில் பாலாஜி மோகன் இயக்கிய 'மாரி 2' திரைப்படம் நேற்று வெளியாகி கலவையான விமர்சனங்களுடன் திரையரங்குகளில் ஓடிக்கொண்டிருக்கின்றது.
இந்த நிலையில் தனுஷ் நடிக்கவுள்ள அடுத்த படத்தின் டைட்டிலுடன் கூடிய ஃபர்ஸ்ட்லுக்கை தனுஷ் தனது சமூக வலைத்தள பக்கத்தில் பதிவு செய்துள்ளார். கலைப்புலி எஸ்.தாணு தயாரிப்பில் வெற்றிமாறன் இயக்கத்தில் உருவாகவுள்ள இந்த படத்திற்கு 'அசுரன்' என்ற டைட்டில் வைக்கப்பட்டுள்ளது.
இன்'று வெளியாகியுள்ள இந்த புதிய படத்தின் போஸ்டரில் தனுஷ் இதுவரை இல்லாத வகையில் வித்தியாசமான தோற்றத்தில் இருப்பதால் பெரும் எதிர்பார்ப்பு ஏற்பட்டுள்ளது. இந்த படத்தில் நடிக்கவுள்ள நாயகி உள்பட மற்ற நட்சத்திரங்கள் மற்றும் தொழில்நுட்ப கலைஞர்களின் தேர்வு நடந்து வருவதாகவும் விரைவில் இந்த படத்தின் படப்பிடிப்பு தொடங்கும் என்றும் கூறப்படுகிறது.