தனுஷின் அடுத்த ஐந்து படங்கள் குறித்த தகவல்கள்.. ரியல் பான் - இந்திய நட்சத்திரம்..!
- IndiaGlitz, [Friday,July 28 2023]
நடிகர் தனுஷ் ஏற்கனவே தமிழ் மட்டுமின்றி தெலுங்கு, ஹிந்தி மற்றும் ஆங்கில படத்தில் நடித்துள்ளதால் அவர் பான் - இந்திய ஸ்டாராக கருதப்படுகிறார். இந்த நிலையில் தற்போது ஒரே நேரத்தில் அவர் தமிழ், தெலுங்கு, ஹிந்தி ஆகிய மொழிகளில் உள்ள படங்களில் நடிக்க கமிட்டாகி உள்ளதை அடுத்து ரியல் பான் - இந்திய ஸ்டாராக அவரை ரசிகர்கள் அழைத்து வருகின்றனர்.
தனுஷின் 48வது படமான ’கேப்டன் மில்லர்’ என்ற படம் தமிழ் உள்பட 3 மொழிகளில் வெளியாக உள்ளதாக தெரிகிறது. மேலும் இந்த படத்தின் டீசர் என்று அதிகாலை வெளியாகி மிகப்பெரிய அளவில் வைரல் ஆகி வருகிறது.
இந்த நிலையில் தனுஷின் 49வது திரைப்படத்தை நெல்சன் இயக்க இருப்பதாகவும் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தை தயாரிக்க இருப்பதாகவும் அனிருத் இந்த படத்துக்கு இசையமைக்க இருப்பதாகவும் கூறப்படுகிறது.
தனுஷின் 50வது படத்தை சன் பிக்சர்ஸ் இந்த படத்தை தயாரிக்க உள்ளது என்பதும் இந்த படத்தில் தனுஷ் முக்கிய வேடத்தில் நடிக்க இருப்பதோடு அவரே இயக்க உள்ளார் என்பது குறிப்பிடத்தக்கது.
மேலும் தனுஷின் 51வது படத்தை பிரபல தெலுங்கு இயக்குனர் சேகர் கம்முலா இயக்க இருப்பதாகவும் தமிழ் தெலுங்கு மற்றும் ஹிந்தி ஆகிய மூன்று மொழிகளில் இந்த படம் உருவாக இருப்பதாகவும் அறிவிக்கப்பட்டுள்ளது.
இந்த நிலையில் தனுஷின் 52வது படத்தை பிரபல பாலிவுட் இயக்குனர் ஆனந்த் எல் ராய் இயக்க இருக்கிறார் என்றும் இந்த படத்துக்கு 'TERE ISHK MEIN’ என்ற டைட்டில் வைக்கப்பட்டுள்ளதாக அறிவிக்கப்பட்டது என்பது குறிப்பிடத்தக்கது.
தனுஷ் தற்போது ஐந்து படங்களை கைவசம் வைத்துள்ளதோடு அவை தமிழ், தெலுங்கு, இந்தி என மூன்று மொழிகளில் உருவாகி வருவதால் அவர் ரியல் பான் இந்தியா ஸ்டார் என்பதை இந்த படங்கள் மூலம் அவர் உறுதி செய்துள்ளார் என்பதும் குறிப்பிடத்தக்கது.