ஒருத்தனையுடம் விடாத, அடிச்சு கொளுத்து கர்ணா: 'கர்ணன்' டீசர் விமர்சனம்
- IndiaGlitz, [Tuesday,March 23 2021]
இரண்டாவது முறையாக தேசிய விருது பெற்ற தனுஷ் நடிப்பில் உருவான ‘கர்ணன்’ திரைப்படத்தின் டீசர் இன்று இரவு 7 மணிக்கு வெளியாக இருப்பதாக ஏற்கெனவே அறிவிக்கப்பட்டிருந்த நிலையில் சற்று முன் இந்த டீசர் வெளியாகியுள்ளது.
மாரி செல்வராஜ் இயக்கத்தில் தனுஷ் நடிப்பில் உருவாகியுள்ள இந்த படத்தின் டீசரை பார்க்கும்போது, முழு படத்தையும் உடனே பார்க்க வேண்டும் என்ற உந்துதல் ஏற்படுகிறது. சந்தோஷ் நாராயணனின் பின்னணி இசையில் உருவான இந்த டீசரில் ஒவ்வொரு காட்சியும் அசத்த வைக்கும் அளவிற்கு உள்ளது.
கோழிக்குஞ்சை தூக்கி செல்லும் பருந்துவிடம் சவால் விடும் ஒரு பெண் ‘உன் காலை ஒடிக்க ஒருவன் வருவான் பார்’ என்று கூறுவதும், வழக்கமான கிராமத்து காட்சி போல் இல்லாமல் ஒவ்வொரு ஷாட்டும் பரபரப்பாகவும், டீசரின் இறுதியில் அட்டகாசமாக குதிரையில் வரும் தனுஷ் காட்சியும் என அனைத்துமே அசத்தலான காட்சிகள் உள்ளன. கடைசி காட்சியில் ஒருத்தனையுடம் விடாத, அடிச்சு கொளுத்து கர்ணா’ என்ற குரல் இன்னும் காதில் ஒலித்து கொண்டே உள்ளது.
மொத்தத்தில் பரியேறும் பெருமாள் படத்தைவிட இரு மடங்கு இந்த படத்திற்கு எதிர்பார்ப்பு ஏற்பட்டுள்ளதால் மீண்டும் ஒரு தேசிய விருது இந்த படத்திற்காக தனுஷுக்கு கிடைத்தாலும் ஆச்சரியப்படுவதற்கில்லை என்பது குறிப்பிடத்தக்கது.