தனுஷ் நடிப்பில் மாரி செல்வராஜ் இயக்கத்தில் உருவாகியுள்ள ‘கர்ணன்’ திரைப்படத்தின் படப்பிடிப்பு சமீபத்தில் முடிவடைந்த நிலையில் கடந்த சில நாட்களுக்கு முன்னர் இந்த படத்தின் டப்பிங் பணிகளை தனுஷ் முடித்து கொடுத்தார் என்பதை ஏற்கனவே பார்த்தோம். மேலும் இந்த படத்தின் ரிலீஸ் தேதி குறித்த அறிவிப்பு இன்று காலை 11.06 மணிக்கு வெளியிடப்படும் என்று இந்த படத்தின் தயாரிப்பாளர் கலைப்புலி எஸ்.தாணு அவர்கள் நேற்றே அறிவித்து இருந்தார்.

அதன்படி சற்றுமுன் ‘கர்ணன்’ படத்தின் அட்டகாசமான ஃபர்ஸ்ட்லுக் போஸ்டருடன் ரிலீஸ் தேதியும் அறிவிக்கப்பட்டுள்ளது. இந்த படம் வரும் ஏப்ரல் 9ஆம் தேதி திரையரங்குகளில் ரிலீஸாகவுள்ளது என அறிவிக்கப்பட்டுள்ளது. இந்த அறிவிப்பு தனுஷ் ரசிகர்களுக்கு மகிழ்ச்சியை ஏற்படுத்தி உள்ளது என்பது குறிப்பிடத்தக்கது.

சந்தோஷ் நாராயணன் இசையில் உருவாகி இந்த படம் இந்த ஆண்டின் மிகப் பெரிய எதிர்பார்ப்புக்குரிய திரைப்படம் என்பது குறிப்பிடத்தக்கது