தனுஷ் நடிப்பில் இயக்குனர் கார்த்திக் சுப்புராஜ் இயக்கிய ’ஜகமே தந்திரம்’ திரைப்படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிந்து விட்டது என்பதும் இந்த படம் திரை அரங்குகள் திறந்த உடன் ரிலீஸாகும் என்பதும் குறிப்பிடத்தக்கது. மேலும் இந்த திரைப்படத்தை ஓடிடி தளத்தில் ரிலீஸ் செய்ய முயற்சிகள் நடந்து கொண்டிருப்பதாக செய்திகள் வெளியாகி உள்ளது.

இந்த நிலையில் இந்த படத்தில் ஒரு முக்கிய கேரக்டரில் நடித்திருப்பவர் ஹாலிவுட் நடிகர் ஜேம்ஸ் காஸ்மோ. இவர் ஹாலிவுட்டில் ’பிரேவ் ஹார்ட்’ உட்பட பல திரைப்படங்களில் நடித்துப் புகழ் பெற்றவர் என்பதும் ’ஜகமே தந்திரம்’ திரைப்படத்தில் இவர் நடித்துள்ள கேரக்டர் மிகுந்த முக்கியத்துவம் வாய்ந்தது என்பதும் குறிப்பிடத்தக்கது.

இந்த நிலையில் சமீபத்தில் ஜேம்ஸ் காஸ்மோ தனது சமூக வலைத்தளத்தில் வீடியோ ஒன்றை வெளியிட்டுள்ளார். அந்த வீடியோவில் அவர் ஸ்கை டைவிங் பயிற்சி பெறும் காட்சிகள் உள்ளது. இதுகுறித்து ஜேம்ஸ் காஸ்மோ கூறியபோது, இதுவொரு புதிய அனுபவமாக இருந்தது என்றும் இதற்கான பயிற்சி கொடுத்த அனைவருக்கும் தனது நன்றி என்றும் தெரிவித்துள்ளார் இந்த வீடியோ தற்போது ஹாலிவுட்டில் மட்டுமின்றி தனுஷ் ரசிகர்களால் அதிகம் பகிரப்பட்டு வருவதால் கோலிவுட்டிலும் வைரலாகி வருகிறது என்பது குறிப்பிடத்தக்கது.

Lord Commander Mormont finds a new way of getting over the wall... fantastic afternoon - massive thanks to Harry and colleagues at iFly Basingstoke! #GameOfThrones #ComicCon #Basingstoke pic.twitter.com/ztjAMjQNFv

— James Cosmo MBE (@MrJamesCosmo) July 25, 2020