நெட்பிளிக்ஸில் ரிலீஸ் ஆகிறதா தனுஷின் அடுத்த படம்?
- IndiaGlitz, [Saturday,January 30 2021]
கொரனோ வைரஸ் பாதிப்பு காரணமாக கடந்த சில மாதங்களாக ஓடிடியில் திரைப்படங்கள் ரிலீஸ் ஆகி கொண்டிருந்த நிலையில் தளபதி விஜய்யின் ‘மாஸ்டர்’ திரைப்படம் திரையரங்குகளில் சமீபத்தில் ரிலீஸாகி மிகப்பெரிய வசூலை குவித்தது. இதனையடுத்து பல திரைப்படங்கள் மீண்டும் திரையரங்குகளில் ரிலீஸ் செய்ய நடவடிக்கைகள் எடுக்கப்பட்டு வருகின்றன
அந்த வகையில் தனுஷ் நடிப்பில் கார்த்திக் சுப்புராஜ் இயக்கிய ’ஜகமே தந்திரம்’ திரைப்படம் முதலில் ஓடிடியில் ரிலீஸ் ஆகும் என்று கூறப்பட்டாலும் அதன் பின்னர் திரையரங்குகளில் ரிலீஸ் செய்ய படக்குழுவினர் முடிவு செய்துள்ளதாக கூறப்பட்டது
இந்த நிலையில் தற்போது மீண்டும் ஓடிடியில் இந்தத் திரைப்படம் வெளியாக வாய்ப்புகள் அதிகமாக இருப்பதாகவும், இது குறித்த பேச்சுவார்த்தைகள் நடைபெற்று வருவதாகவும் கூறப்படுகிறது
தனுஷின் ’ஜகமே தந்திரம்’ திரைப்படம் நெட்பிளிக்ஸ் ஓடிடியில் ரிலீஸ் குறித்த அறிவிப்பு விரைவில் வெளியாகும் என்று கூறப்படுவதால் பெரும் பரபரப்பு ஏற்பட்டுள்ளது. திரையரங்குகள் மீண்டும் திறக்கப்பட்டு பார்வையாளர்களும் திரையரங்குகளுக்கு வர தொடங்கி உள்ள நிலையில் தனுஷின் ஜகமே தந்திரம் படக்குழுவினர் ஏன் ஓடிடி ரிலீஸ் முடிவை எடுத்தார்கள் என்பது புரியாத புதிராக இருப்பதாக கோலிவுட் வட்டாரங்கள் கூறுகின்றன.