தனுஷின் 'எனை நோக்கி பாயும் தோட்டா' ரிலீஸ் தகவல்
- IndiaGlitz, [Thursday,March 07 2019]
தனுஷ் நடிப்பில் இயக்குனர் கவுதம்மேனன் இயக்கிய 'எனை நோக்கி பாயும் தோட்டா' திரைப்படம் நீண்ட காலதாமதம் ஆகிவந்த நிலையில் சமீபத்தில் இந்த படம் ரிலீசுக்கு தயாராகி சென்சார் சான்றிதழும் பெற்றது என்பதை பார்த்தோம்
இந்த நிலையில் இந்த படத்தை வரும் ஏப்ரல் மாதம் வெளியிட அனைத்து முயற்சிகளும் எடுக்கப்பட்டு வருவதாக இந்த படத்தின் தயாரிப்பாளர் மதன் தெரிவித்துள்ளார். மேலும் இந்த படத்தின் டிரைலர் தயாராகிவிட்டதாகவும், டிரைலர் ரிலீஸ் தேதி விரைவில் அறிவிக்கப்படும் என்றும் அவர் தனது சமூக வலைத்தளத்தில் தெரிவித்துள்ளார்.
தர்புகா சிவா இசையில் உருவாகியுள்ள இந்த படத்தில் தனுஷ், மேகா ஆகாஷ், சுனைனா, சசிகுமார், ராணா உள்பட பலர் நடித்துள்ளனர். தனுஷ் தற்போது வெற்றிமாறன் இயக்கத்தில் 'அசுரன்' மற்றும் துரைசெந்தில்குமார் இயக்கத்தில் ஒரு படத்திலும் நடித்து வருகிறார் என்பது குறிப்பிடத்தக்கது