தனுஷ், மேகா ஆகாஷ் நடிப்பில் கவுதம் மேனன் இயக்கத்தில் உருவாகியுள்ள ‘எனை நோக்கி பாயும் தோட்டா’ திரைப்படம் கடந்த பல மாதங்களுக்கு முன்னரே ரிலீசுக்கு தயாராகிவிட்டது. ஏற்கனவே பல ரிலீஸ் தேதிகள் அறிவிக்கப்பட்டும், அறிவித்த தேதியில் இந்த படம் வெளிவராததால் படக்குழுவினர்களும் தனுஷ் ரசிகர்களும் பெரும் அதிருப்தியில் உள்ளனர்.

இந்த நிலையில் தற்போது இந்த படத்தின் உறுதியான, இறுதியான ரிலீஸ் தேதி என நவம்பர் 15ஆம் தேதியை இயக்குனர் கவுதம் மேனன் வெளியிட்டுள்ளார். இந்த தேதியில் ‘எனை நோக்கி பாயும் தோட்டா’ கண்டிப்பாக ரிலீஸ் செய்யப்படும் என்றும் இந்த படத்தின் பொருளாதாரப் பிரச்சினையை அனைத்தும் முடிந்துவிட்டது என்றும் அவர் தெரிவித்துள்ளார்.

நாளை மறுநாள் ‘அசுரன்’, நவம்பர் 15ல் ‘எனை நோக்கி பாயும் தோட்டா’ அதனையடுத்து ‘பட்டாஸ்’ என வரிசையாக தனுஷ் படங்கள் வெளியாகவுள்ளதால் அவரது ரசிகர்களுக்கு தொடர் கொண்டாட்டம்தான் என்பது குறிப்பிடத்தக்கது.