தனுஷின் 'D50' படத்தின் டைட்டில் ரிலீஸ் தேதி இதுவா?
- IndiaGlitz, [Thursday,July 20 2023]
தனுஷ் சின் 50வது படத்தை அவரே நடித்து இயக்கி வருகிறார் என்பதும் இந்த படத்தின் படப்பிடிப்பு சமீபத்தில் தொடங்கியது என்பதையும் பார்த்தோம். தற்போது இந்த படத்தின் படப்பிடிப்பு சென்னையில் உள்ள தனியார் ஸ்டுடியோவில் மிகவும் பிரமாண்டமாக அமைக்கப்பட்டுள்ள செட்டில் நடைபெற்று வருவதாக தகவல் வெளியாகி உள்ளன. இந்த செட்டில் 600 வீடுகள் கட்டப்பட்டு உள்ளதாகவும் கூறப்படுகிறது.
தற்போது எஸ்ஜே சூர்யா, சந்திப் கிஷான் ஆகியோர்களின் காட்சிகள் படமாக்கப்பட்டு வருவதாகவும் தனுஷின் காட்சிகள் இனிமேல் தான் தொடங்கும் என்றும் கூறப்படுகிறது. தனுஷ் சமீபத்தில் மொட்டை அடித்து உள்ளதை அடுத்து அவரது தலையில் சிறிது முடி வளர்வதற்கு காத்திருப்பதாகவும் அதன் பிறகு அவரது காட்சிகள் படமாக்கப்படும் என்றும் கூறப்படுகிறது
மேலும் இந்த படத்தின் டைட்டில் போஸ்டர் வரும் 27ஆம் தேதி வெளியாகும் என்றும் சன் பிக்சர்ஸ் நிறுவனம் இது குறித்து அறிவிப்பை விரைவில் அதிகாரப்பூர்வமாக அறிவிக்கும் என்றும் எதிர்பார்க்கப்படுகிறது. இந்த படத்திற்கு ‘ராயன்’ என்று டைட்டில் வைக்கப்பட்டுள்ளதாக கூறப்படும் நிலையில் வரும் 27ஆம் தேதி வரை பொறுத்திருந்து பார்ப்போம்.
தனுஷ், எஸ்ஜே சூர்யா, சந்திப் கிஷான் , துஷாரா விஜயன்,காளிதாஸ் ஜெயராம் உள்ளிட்ட பலர் நடிக்கும் இந்த படம் வடசென்னை பின்னணியாக கொண்டு என்று கூறப்படுகிறது.