தனுஷ் நடிப்பில் கார்த்திக் சுப்புராஜ் இயக்கிய தனுஷின் 40வது திரைப்படத்தின் படப்பிடிப்பு சமீபத்தில் முடிவடைந்து இந்த படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வருகின்றன. இந்த படத்தின் டைட்டிலுடன் கூடிய பஸ்ட் லூக் போஸ்டர் விரைவில் வெளிவர இருக்கும் நிலையில் இந்த படத்தின் வியாபாரம் அதற்குள் தொடங்கிவிட்டது

முதல்கட்டமாக இந்த படத்தின் தமிழக ரிலீஸ் உரிமையை டிரைடன்ட்ஸ் நிறுவனம் மிகப்பெரிய தொகைக்கு பெற்றுள்ளதாக அதிகாரபூர்வமாக அறிவிக்கப்பட்டுள்ளது. இதனை டிரைடண்ட்ஸ் நிறுவனம் தனது சமூக வலைத்தளத்தில் உறுதி செய்துள்ளது என்பது குறிப்பிடத்தக்கது.

தனுஷ் நடிப்பில் சமீபத்தில் வெளிவந்த ’அசுரன்’ மற்றும் ’பட்டாஸ்’ ஆகிய இரண்டு திரைப்படங்களும் மிகப்பெரிய வெற்றி பெற்று அனைத்து தரப்பினருக்கும் லாபத்தைக் கொடுத்த நிலையில் தற்போது அவரது அடுத்த திரைப்படம் டைட்டில் வைக்க முன்னரே வியாபாரம் தொடங்கி விட்டது என்பது குறிப்பிடத்தக்கது

தனுஷ், சஞ்சனா நடராஜன், ஐஸ்வர்யா லட்சுமி, ஜேம்ஸ் காஸ்மோ, கலையரசன், உள்பட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். ஸ்ரேயாஸ் கிருஷ்ணா ஒளிப்பதிவில் விவேக் ஹர்ஷன் படத்தொகுப்பில் உருவாகி வரும் இந்த படத்தை ஒய்நாட் ஸ்டுடியோஸ் நிறுவனம் தயாரித்து வருகிறது என்பது குறிப்பிடத்தக்கது

Happy to be associated as Tamilnadu Distribution Partner for @StudiosYNot's #D40 (Tamil) #D40FirstLookUpdate @dhanushkraja @karthiksubbaraj @sash041075 @Music_Santhosh @chakdyn @AishwaryaLeksh4 @RelianceEnt @Shibasishsarkar @APIfilms @ynotxworld @onlynikil https://t.co/k8JiwIkVME

— Trident Arts (@tridentartsoffl) February 17, 2020