இயக்குனர் லிங்குசாமி இயக்கத்தில் விஷால், மீரா ஜாஸ்மீன் நடிப்பில் கடந்த 2005ஆம் ஆண்டு வெளிவந்து சுப்பர் ஹிட் வெற்றி பெற்ற 'சண்டக்கோழி' படத்தின் இரண்டாம் பாகமான 'சண்டக்கோழி 2' தற்போது தயாராகி வருகிறது. இந்த படத்தில் விஷாலுக்கு ஜோடியாக கீர்த்தி சுரேஷ் நடித்து வருகிறார்

இந்த படத்தின் படப்பிடிப்பு நடந்து வரும் நிலையில் இந்த படத்தில் ஒரு பாடலை தனுஷ் பாடியுள்ளதாக செய்திகள் வெளிவந்துள்ளது. யுவன்ஷங்கர் ராஜா கம்போஸ் செய்த பாடலை தனுஷ் பாடியுள்ளதாகவும், இந்த பாடல் இந்த படத்தின் ஹைலைட்டாக இருக்கும் என்றும் படக்குழுவினர்களால் கூறப்படுகிறது. மேலும் விஷால் படத்திற்காக தனுஷ் ஒரு பாடலை பாடுவது இதுவே முதல்முறை என்பதும் குறிப்பிடத்தக்கது.

விஷால், வரலட்சுமி, கீர்த்திசுரேஷ், ராஜ்கிரண், சூரி, உள்பட பலர் நடித்து வரும் இந்த படத்தை விஷால் பிலிம் பேக்டரி நிறுவனம் தயாரித்து வருகிறது. இந்த படம் அடுத்த ஆண்டு ஏப்ரல் மாதம் வெளியாகும் என்று எதிர்பார்க்கப்படுகிறது.