'பேட்ட' ரஜினிகாந்த் கெட்டபுக்கு திடீரென மாறிய தனுஷ்!
- IndiaGlitz, [Monday,December 16 2019]
சூப்பர் ஸ்டார் ரஜினிகாந்த் நடிப்பில் இயக்குனர் கார்த்திக் சுப்புராஜ் இயக்கிய 'பேட்ட' திரைப்படத்தில் இடம்பெற்ற பிளாஷ்பேக் காட்சிகளில் ரஜினியின் இளமை தோற்றத்துடன் முறுக்கு மீசையுடன் தோன்றுவார் என்பது தெரிந்ததே. இந்த கெட்டப்பை இயக்குனர் கார்த்திக் சுப்புராஜ் ரசித்து இயக்கினார் என்பதும், நீண்ட இடைவெளிக்குப் பின்னர் ரஜினிகாந்த் ரசிகர்கள் ரஜினியை இளமையான கம்பீரமான கெட்டப்பில் கண்டுகளித்தனர் என்பதும் குறிப்பிடத்தக்கது
இந்த நிலையில் 'பேட்ட' திரைப்படத்தில் ரஜினிகாந்த் வைத்திருந்த அதே முறுக்கு மீசை கெட்டப்பில் தற்போது தனுஷ் வலம் வந்து கொண்டிருக்கிறார். இந்த கெட்டப்பை தனுஷ் தான் நடிக்கவிருக்கும் 40வது படத்தில் தோன்றவுள்ளதாக கூறப்படுகிறது.
தனுஷின் 40வது படத்தையும் 'பேட்ட' படத்தை இயக்கிய கார்த்திக் சுப்புராஜ் இயக்கி வருகிறார் என்பது குறிப்பிடத்தக்கது. இந்த கெட்டப்பும் இந்த படத்தின் பிளாஷ்பேக் காட்சியில் தோன்றும் கெட்டப் என்று கூறப்படுகிறது