ரஜினியை மிஞ்சிய தனுஷ்
- IndiaGlitz, [Thursday,May 05 2016]
சூப்பர் ஸ்டார் ரஜினிகாந்த் என்றாலே வேகம் என்று இன்னொரு அர்த்தம் கொள்ளும் அளவிற்கு அவரது ஒவ்வொரு செயலிலும் மின்னல் வேகம் இருக்கும் என்பது அனைவரும் அறிந்ததே. இதனால் தான் சமீபத்தில் 'கபாலி' படத்தின் டப்பிங் பணியை ரஜினிகாந்த் இரண்டே நாட்களில் முடித்தார். அவரது அனுபவம் அவருக்கு பெரிதும் கைகொடுத்ததால் அனைத்து வசனங்களையும் ஒரே டேக்கில் முடித்து படக்குழுவினர்களையே அசத்திவிட்டார்.
இந்நிலையில் தாய் எட்டடி பாய்ந்தால் குட்டி பதினாறடி பாயும் என்ற பழமொழிக்கு ஏற்ப ரஜினி 'கபாலி' படத்திற்கு டப்பிங் பணிக்காக இரண்டு நாட்கள் எடுத்து கொண்டார் என்றால் அவரது மருமகன் தனுஷ், 'தொடரி' படத்தின் டப்பிங்குக்கு எடுத்து கொண்டது ஒரே நாள் மட்டுமே.
ரஜினியின் அனுபவ வயது கூட இல்லாத தனுஷ், அவரை விட வேகமாக டப்பிங் பணியை முடித்தது இண்டஸ்டரியையே ஆச்சரியப்பட வைத்துள்ள்து என்பது குறிப்பிடத்தக்கது.