தனுஷ் நடிப்பில் கவுதம் மேனன் இயக்கத்தில் உருவாகியுள்ள 'எனை நோக்கி பாயும் தோட்டா' திரைப்படம் வரும் செப்டம்பர் 6ஆம் தேதி வெளியாகவிருப்பதாக அறிவிக்கப்பட்டுள்ள நிலையில் இந்த படத்தின் புரமோஷன் பணிகள் தொடங்கி விறுவிறுப்பாக நடைபெற்று வருகிறது.

இந்த நிலையில் இந்த படத்தின் டப்பிங் பணியை நேற்று முன் தினம் இரவு ஆரம்பித்த தனுஷ், முழு படத்தின் டப்பிங்கையும் இரவு முழுவதும் முடித்துவிட்டு அதிகாலை வீடு திரும்பினார். பின்னர் உடனே நேற்று காலை 9.30 மணிக்கு லண்டன் செல்ல, விமான நிலையத்திற்கு சென்றார். லண்டனில் கார்த்திக் சுப்புராஜ் இயக்கும் படத்தின் படப்பிடிப்பில் அவர் கலந்து கொள்ளவுள்ளார் என்பது குறிப்பிடத்தக்கது.

'அசுரன்' புரமோஷன், 'எனை நோக்கி பாயும் தோட்டா' டப்பிங், கார்த்திக் சுப்புராஜ் படத்தின் படப்பிடிப்பு என ஓய்வு இன்றி தனுஷ் தனது பணியை செய்து வருவதை கோலிவுட் திரையுலகினர் பாராட்டி வருகின்றனர்.