சிம்புவை வாழ்த்தும் எனது ரசிகர்கள் : தனுஷ் பெருமை
- IndiaGlitz, [Friday,May 27 2016]
சிம்பு, நயன்தாரா நடிப்பில் பாண்டிராஜ் இயக்கிய 'இது நம்ம ஆளு' திரைப்படம் இன்று உலகம் முழுவதும் பிரமாண்டமாக ரிலீஸ் ஆகிறது. இந்த படம் வெற்றியடைய தனுஷ் ரசிகர்கள் சிம்புவுக்கு சமூகவலைத்தளங்களில் வாழ்த்து தெரிவித்துள்ளனர்.
கோலிவுட் திரையுலகில் சிம்பு மற்றும் தனுஷ் போட்டியாளர்களாக பார்க்கப்பட்டு வரும் நிலையில் இருதரப்பு ரசிகர்களும் அவ்வப்போது சமூக வலைத்தளங்களில் மோதிக்கொள்வதுண்டு. ஆனால் தற்போது சிம்புவின் படம் வெற்றி அடைய தனுஷ் ரசிகர்கள் வாழ்த்தியுள்ளது ஆரோக்கியமானதாக கருதப்படுகிறது.
இதுகுறித்து தனுஷ் தன்னுடைய சமூக வலைத்தளத்தில் கூறியபோது, எனது ரசிகர்கள் பக்குவம் அடைந்திருப்பதை பார்க்கும்போது பெருமையாக இருக்கின்றது. இது தொடர வேண்டும் என விரும்புகிறேன் என்று கூறியுள்ளார்.
இந்நிலையில் அமெரிக்காவில் நேற்று திரையிடப்பட்ட பிரிமியர் காட்சிகளை பார்த்த ரசிகர்கள் 'இது நம்ம ஆளு' படத்திற்கு பாசிட்டிவ் விமர்சனத்தை சமூக வலைத்தளங்களில் கொடுத்து வருகின்றனர் என்பது குறிப்பிடத்தக்கது.