தனுஷின் அடுத்த அவதாரம் இன்று முதல் ஆரம்பம்
- IndiaGlitz, [Wednesday,September 07 2016]
'துள்ளுவதோ இளமை' படத்தில் நடிகராக அறிமுகமாகிய தனுஷ், கோலிவுட் திரையுலகில் தனது அயராத உழைப்பினால் கொஞ்சம் கொஞ்சமாக முன்னேறினார். நடிகர், பாடகர், பாடலாசிரியர், தயாரிப்பாளர் என அனைத்து துறைகளிலும் வெற்றி பெற்ற தனுஷ் பாலிவுட்டிலும் காலூன்றி வெற்றி பெற்றார்.
தனுஷ் விரைவில் ஒரு படத்தையும் இயக்குவார் என்று கூறப்பட்ட நிலையில் அவர் இயக்கவுள்ள முதல் படம் குறித்த தகவல் தற்போது வெளிவந்துள்ளது. தனுஷ் திரைக்கதை எழுதி இயக்கும் முதல் படத்தில் ராஜ்கிரண் முக்கிய வேடத்தில் நடிக்கவுள்ளார். மேலும் பிரசன்னா, சாயாசிங் ஆகியோர்களும் முக்கிய வேடங்களில் நடிக்கின்றனர். தனுஷின் 'திருடா திருடி' நாயகிதான் சாயாசிங் என்பது குறிப்பிடத்தக்கது.
தனுஷின் வொண்டர்பார் பிலிம்ஸ் நிறுவனம் தயாரிக்கவுள்ள இந்த படத்திற்கு சீன் ரோல்டான் இசையமைக்கின்றார். இவர் சமீபத்தில் வெளியான சூப்பர் ஹிட் படமான 'ஜோக்கர்' படத்திற்கு இசையமைத்தவர். இன்று பூஜையுடன் படப்பிடிப்பு தொடங்கவுள்ளதாகவும், இந்த படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்கள் குறித்த தகவல் விரைவில் வெளியாகும் என்றும் கூறப்படுகிறது.