வி.ஐ.பி'யை ஒரே ஒரு நாள் முந்தியது 'மாரி'
- IndiaGlitz, [Wednesday,July 08 2015]
தனுஷ் நடித்த 'மாரி' திரைப்படம் நேற்று சென்சார் செய்யப்பட்டு இந்த படம் ஜூலை 17ஆம் தேதி ரிலீஸாகும் என தனுஷ் உள்பட படக்குழுவினர் அனைவரின் தரப்பில் இருந்தும் தெரிவிக்கப்பட்டுள்ளது. இந்நிலையில் தனுஷ் நடித்த இந்த படத்திற்கு ஏற்கனவே வெளியாகி சூப்பர் ஹிட் ஆன 'வேலையில்லா பட்டதாரி' படத்திற்கும் சில ஒற்றுமைகள் இருப்பதாக தற்போது தெரிய வந்துள்ளது.
தனுஷ் நடித்த 'வேலையில்லா பட்டதாரி' திரைப்படம் கடந்த 2014ஆம் வருடம் ஜூலை மாதம் 18ஆம் தேதி ரிலீஸ் ஆனது. ஒரு வருடம் கழித்து கிட்டத்தட்ட அதே நாளில் அதாவது ஒரே ஒருநாள் முன்னர் ஜூலை 17ஆம் தேதி 'மாரி' திரைப்படம் ரிலீஸ் ஆகிறது.
'வேலையில்லா பட்டதாரி' படத்திற்கு இசையமைத்த அதே அனிருத், மாரி படத்திற்கும் இசையமைத்துள்ளார் என்பது குறிப்பிடத்தக்கது.
இயக்குனர் வேல்ராஜ் மற்றும் தனுஷ் இணைந்த முதல் படம்
'வேலையில்லா பட்டதாரி'. அதேபோல் இயக்குனர் பாலாஜி மோகனுடன் தனுஷ் இணைந்த முதல் படம் 'மாரி' என்பதும் குறிப்பிடத்தக்கது.
இதேபோல் வேலையில்லா பட்டதாரி பெற்ற சூப்பர் ஹிட் வசூலை 'மாரி' படமும் பெறுமா? என்பது இன்னும் சில நாட்களில் தெரிந்துவிடும்.