நேற்று நடைபெற்ற சென்னை மற்றும் கொல்கத்தா அணிகளுக்கு இடையிலான ஐபிஎல் போட்டி பெரும் எதிர்பார்ப்பை ஏற்படுத்தியிருந்தது. ஒருபக்கம் சிங்கம் போல் கர்ஜித்து வரும் தோனியின் படையும் இன்னொரு பக்கம் தனி ஆளாக அணியை வெற்றி பாதைக்கு கொண்டு சென்று கொண்டிருக்கும் ரஸலும் போதும் போட்டி என்பதால் ரசிகர்களுக்கு பெரும் விருந்தாக இருக்கும் என்றும் சிக்ஸர் மழை பொழியும் வானவேடிக்கை இருக்கும் என்றும் எதிர்பார்க்கப்பட்டது. ஆனால் சினங்கொண்ட சிங்கத்திடம் மதம் கொண்ட யானை தோற்று ஓடியது போல் நேற்றைய போட்டி உப்புசப்பில்லாமல் எந்தவித விறுவிறுப்பும் இன்றி முடிந்தது.

இந்த நிலையில் நேற்றைய சென்னை-கொல்கத்தா போட்டியை பார்க்க நேற்று பல திரையுலக பிரபலங்கள் வருகை தந்திருந்தனர். அவர்களில் நடிகர் தனுஷூம் ஒருவர். தனது மகன்களான லிங்கா மற்றும் யாத்ராவுடன் போட்டியை பார்க்க வந்திருந்த தனுஷ், போட்டி முடியும் வரை பார்த்து ரசித்தார் என்பது குறிப்பிடத்தக்கது.

சிஎஸ்கே போட்டி என்றால் நேரில் பார்க்க தவறாமல் ரஜினி வருவார் என்பது தெரிந்ததே. ஆனால் இன்று மும்பையில் 'தர்பார்' படப்பிடிப்பு நடைபெறுவதை அடுத்து அவர் நேற்றே மும்பை சென்றுவிட்டதால் அவர் நேற்று போட்டியை நேரில் பார்க்க வரவில்லை என்பது குறிப்பிடத்தக்கது.