தனுஷ் நடித்த '3' படத்தில் காமெடி கேரக்டரில் நடித்த சிவகார்த்திகேயன், இன்று தனுஷூக்கு இணையாக முன்னணி நாயகனாக உயர்ந்துள்ளார். இந்த நிலையில் இருவர் நடித்த படங்களின் சிங்கிள் பாடல் அடுத்தடுத்த நாட்களில் ரிலீஸ் ஆகவுள்ளது.

தனுஷ் நடிப்பில் கவுதம் மேனன் இயக்கிய 'எனை நோக்கி பாயும் தோட்டா' படத்தின் இறுதிக்கட்ட படப்பிடிப்பு நடந்து வரும் நிலையில் இந்த படத்தின் சிங்கிள் பாடலான 'விசிறி சூட்' என்ற பாடல் நாளை மறுநாள் அதாவது ஜூலை 26ஆம் தேதி மாலை ஆறு மணிக்கு வெளியாகவுள்ளது. இந்த படத்திற்கு தர்புகா சிவா இசையமைத்துள்ளார்.

இந்த நிலையில் சிவகார்த்திகேயன் நடிப்பில் பொன்ராம் இயக்கிய 'சீமராஜா' படத்தில் இடம்பெற்ற 'வாரேன் வாரேன் சீமராஜா என்ற பாடல் நாளை வெளியாகவுள்ளது. இந்த படத்திற்கு டி.இமான் இசையமைத்துள்ளார்.

தனுஷ், சிவகார்த்திகேயன் படங்களின் சிங்கிள் பாடல்கள் அடுத்தடுத்த நாட்களில் வெளியாகவுள்ளதால் இரு நடிகர்களின் ரசிகர்களும் உற்சாகத்தில் உள்ளனர்.