கர்நாடக மாநிலத்தில் இளைஞர் கொலை வழக்கில் நடிகர் தர்ஷன் மற்றும் அவருடன் ரிலேஷன்ஷிப்பில் இருந்த நடிகை பவித்ரா கைது செய்யப்பட்டுள்ள நிலையில் தர்ஷன் குறித்து தனுஷ், சிம்புவுடன் நடித்த நடிகை கூறி உள்ள தகவல் பரபரப்பு ஏற்படுத்தி உள்ளது.

பிரபல கன்னட நடிகர் தர்ஷன் சமீபத்தில் இளைஞர் கொலை வழக்கில் கைது செய்யப்பட்டுள்ள நிலையில் இந்த கொலையில் அவருக்கு நேரடியாக தொடர்பு இருப்பதாகவும் விசாரணையில் தெரிய வந்ததாக கூறப்படுகிறது.

இந்த நிலையில் இந்த வழக்கு குறித்து பரபரப்பான கருத்துக்கள் வெளியாகி கொண்டிருக்கும் நிலையில் தனுஷ் நடித்த ’பொல்லாதவன்’ மற்றும் சிம்பு நடித்த ‘குத்து’ உள்பட பல படங்களில் நடித்த பிரபல நடிகை திவ்யா ஸ்பந்தனா, ‘தர்ஷன் குற்றச்செயல்களில் ஈடுபடும் வழக்கம் கொண்டவர்' என்று தெரிவித்துள்ளார்.

மேலும் ’தர்ஷனுக்கு பெரும் செல்வாக்கு இருப்பதாக வெளியில் காட்டப்படுகிறதே தவிர அவருக்கு அப்படி ஒன்றும் செல்வாக்கு இல்லை என்றும், அவர் தேர்தலில் பிரச்சாரம் செய்த வேட்பாளர்கள் எல்லாம் தோல்வியை தான் தழுவியுள்ளார்கள் என்றும் அவர் கூறியுள்ளார். மேலும் தர்ஷனை தைரியமாக கைது செய்து சட்டத்தின் முன் நிறுத்திய காவல்துறையினருக்கு அவர் பாராட்டும் தெரிவித்துள்ளார்.