தனுஷ்-ராம்குமார் படம் குறித்த புதிய தகவல்!
- IndiaGlitz, [Wednesday,January 22 2020]
தனுஷ் நடித்த 'பட்டாஸ்' திரைப்படம் சமீபத்தில் வெளியாகி திரையரங்குகளில் வெற்றிநடை போட்டு வரும் நிலையில் தற்போது அவர் மாரி செல்வராஜ் இயக்கத்தில் கலைப்புலி எஸ் தாணு தயாரிப்பில் உருவாகிவரும் 'கர்ணன்' என்ற படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது.
இந்த நிலையில் அடுத்ததாக அவர் 'ராட்சஸன்' இயக்குனர் ராம்குமார் இயக்கத்தில் ஒரு படத்தில் நடிக்க வருகிறார். இந்த படத்தை சத்யஜோதி பிலிம்ஸ் தயாரிக்க இருப்பதாகவும் இந்த படம் ஒரு ஃபேன்டஸி ஆக்சன் அட்வென்ச்சர் திரைப்படமாக உருவாகி இருப்பதாகவும் செய்திகள் வெளிவந்துள்ளது. மேலும் இந்த படத்திற்காக இயக்குனர் ராம்குமார் பல்வேறு தகவல்களை திரட்டி வருவதால் தமிழ் சினிமாவிற்கு இந்த படம் ஒரு புதிய பரிணாமமாக இருக்கும் என கருதப்படுகிறது.
மேலும் சத்யஜோதி பிலிம்ஸ் நிறுவனம் தயாரிக்கும் இன்னும் ஒரு படத்திலும் தனுஷ் நடிக்க இருப்பதாகவும் அந்த படத்தின் இயக்குனர் குறித்த தகவல் விரைவில் வெளிவரும் என்று தெரிகிறது.