பாண்டிச்சேரியில் தனுஷ்-நித்யா மேனன்: வைரல் புகைப்படங்கள்!
- IndiaGlitz, [Monday,September 06 2021]
தனுஷ் நடித்த ஹாலிவுட் திரைப்படமான ’தி க்ரேமேன்’ மற்றும் கார்த்திக் நரேன் இயக்கத்தில் உருவான ’மாறன்’ ஆகிய படங்களின் படப்பிடிப்புகள் முடிந்துவிட்டன என்பதும் இந்த படங்களின் போஸ்ட் புரடொக்ஷன் பணிகள் விறுவிறுப்பாக நடைபெற்று வரும் நிலையில் விரைவில் ரிலீஸ் தேதி அறிவிக்கப்பட உள்ளது என்பதும் தெரிந்ததே.
இந்த நிலையில் தனுஷ் தற்போது மித்ரன் ஜவஹர் இயக்கத்தில் உருவாகி வரும் ’திருச்சிற்றம்பலம்’ என்ற திரைப்படத்தில் நடித்து வருகிறார். இந்த படத்தில் ராஷி கண்ணா, நித்யா மேனன் மற்றும் பிரியா பவானி சங்கர் ஆகிய மூன்று நாயகிகள் நடிக்க உள்ளனர் என்பது குறிப்பிடத்தக்கது.
இந்த நிலையில் சமீபத்தில் பாண்டிச்சேரியில் இந்த படத்தின் படப்பிடிப்பு தொடங்கிய நிலையில் தனுஷ் மற்றும் நித்யா மேனன் சம்பந்தப்பட்ட பாடல் காட்சி ஒன்றின் படப்பிடிப்பு நடைபெற்று உள்ளதாக தெரிகிறது. இது குறித்த புகைப்படங்களும் தற்போது வைரலாகி வருகிறது என்பது குறிப்பிடத்தக்கது.
இந்த படத்தில் பாரதிராஜா, பிரகாஷ்ராஜ் உள்பட பலர் நடிக்க உள்ளதாக அறிவிக்கப்பட்டுள்ளது என்பதும் இந்த படத்தை சன் பிக்சர்ஸ் நிறுவனம் பிரம்மாண்டமாக தயாரித்து வருகிறது என்பதும் குறிப்பிடத்தக்கது.