தமிழ் சினிமாவுலகில் ஒரே நேரத்தில் அதிக படங்களில் நடித்து வரும் நடிகர்களில் ஒருவர் ஜிவி பிரகாஷ். இவர் நடித்து முடித்துள்ள 'சர்வம் தாளமயம்' திரைப்படம் வரும் 28ஆம் தேதி வெளிவரவுள்ள நிலையில் இவர் தற்போது 'ஐங்கரன்', 'அடங்காதே', 'குப்பத்து ராஜா', 'ஜெயில்', 'வாட்ச்மேன்', '100% காதல்', '4G', 'காதலை தேடி நித்யா நந்தா', 'ரெட்டக்கொம்பு' போன்ற படங்களில் நடித்து வருகிறார்.

இந்த நிலையில் ஜிவி பிரகாஷ் நடித்து வரும் 'ஜெயில்' படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் விறுவிறுப்பாக நடந்து வரும் நிலையில் இந்த படத்தின் ஒரு பாடலை தனுஷ் பாடியுள்ளார். ஜிவி பிரகாஷ் மற்றும் தனுஷ் ஆகியோர் கருத்துவேறுபாட்டுடன் இருப்பதாக வெளிவந்து கொண்டிருந்த வதந்திக்கு முற்றுப்புள்ளியாக இந்த பாடல் அமைந்துள்ளது.

எட்டு வருடங்களுக்கு பின் மீண்டும் தனுஷ்-ஜிவி பிரகாஷ் இணைந்துள்ளது இருதரப்பு ரசிகர்களுக்கும் மகிழ்ச்சியான செய்தி என்பதில் சந்தேகமில்லை