விஜய் டிவியில் ஒளிபரப்பாகும் ’குக் வித் கோமாளி’ என்ற நிகழ்ச்சியை மிகப்பெரிய வரவேற்பை பெற்றுள்ளது என்பது தெரிந்ததே. குக் வித் கோமாளி சீசன் 1ஐ விட சீசன் 2 மிகப் பெரிய அளவில் பிரபலமாகி விட்டது என்பதும் இந்த சீசனில் கலந்து கொண்ட ‘குக்’கள் மற்றும் கோமாளிகள் சிலருக்கு திரையுலகில் நடிக்க வாய்ப்பு கிடைத்துள்ளது என்பதும் குறிப்பிடத்தக்கது.

இந்த நிலையில் குக் வித் கோமாளி நிகழ்ச்சியின் போட்டியாளர்களில் ஒருவர் பாபா பாஸ்கர். இவர் குக்கா? அல்லது கோமாளியா? என்று சில சமயம் சந்தேகமடையும் அளவுக்கு முழுக்க முழுக்க நகைச்சுவையாகவும் ஜாலியாகவும் இந்த போட்டியில் ஈடுபட்டு வருவார் என்பது குறிப்பிடத்தக்கது.

இந்த நிலையில் நடிகர் தனுஷ் மற்றும் பாபா பாஸ்கர் ஆகிய இருவரும் ஒரே பள்ளியில் எட்டாம் வகுப்பு வரை படித்ததாக தகவல்கள் வெளிவந்து கொண்டிருப்பது பெரும் ஆச்சரியத்தை அளித்துள்ளது. தனுஷ், பாபா பாஸ்கர் ஆகிய ஆகிய இருவருக்கும் கிட்டத்தட்ட ஒரே வயதுதான் என்பதும் இருவருக்கும் இரண்டு வயது மட்டுமே வித்தியாசம் என்பதும் குறிப்பிடத்தக்கது. மேலும் தனுஷ் நடித்த பல படங்களுக்கு பாபா பாஸ்கர் நடன இயக்குனராக பணிபுரிந்துள்ளார் என்பது குறிப்பிடத்தக்கது.