தனுஷ் - ஐஸ்வர்யா ரஜினிகாந்த் இயக்கும் படங்களில் உள்ள ஆச்சரியமான ஒற்றுமை!
- IndiaGlitz, [Wednesday,January 04 2023]
நடிகர், தயாரிப்பாளர், பாடகர், பாடலாசிரியர் என பல்வேறு அவதாரங்களில் கோலிவுட் திரையுலகில் ஜொலித்து வரும் தனுஷ் கடந்த 2017-ம் ஆண்டு ’பா பாண்டி’ என்ற படத்தை இயக்கினார் என்பது இந்த படம் நல்ல வரவேற்பை பெற்றது என்பது தெரிந்ததே.
இந்த நிலையில் தனுஷ் இயக்கும் அடுத்த படத்தின் அறிவிப்பு விரைவில் வெளியாகும் என கடந்த சில மாதங்களாக கூறப்பட்ட நிலையில் தற்போது அவர் இயக்க இருக்கும் அடுத்த படம் குறித்த தகவல் கசிந்துள்ளது.
தனுஷ் இயக்கும் அடுத்த படத்தை சன் பிக்சர்ஸ் நிறுவனம் தயாரிக்க இருப்பதாகவும் இந்த படத்தின் அறிவிப்பு மிக விரைவில் வெளியாகும் என்றும் கூறப்படுகிறது. மேலும் இந்த படத்தில் முக்கிய கேரக்டரில் விஷ்ணு விஷால் மற்றும் எஸ்ஜே சூர்யா நடிக்க இருப்பதாகவும் இந்த படத்தில் தனுஷ் சிறப்பு தோற்றத்தில் நடிக்க இருப்பதாகவும் கூறப்படுகிறது.
தனுஷின் முன்னாள் மனைவி ஐஸ்வர்யா ரஜினிகாந்த் இயக்கும் ’லால் சலாம்’ என்ற படத்திலும் விஷ்ணு விஷால் ஹீரோவாக நடிக்க இருக்கும் நிலையில் தனுஷ் இயக்கும் படத்திலும் விஷ்ணு விஷால் ஹீரோவாக நடித்து போகிறார் என்பது ஆச்சரியமான ஒற்றுமையாக பார்க்கப்படுகிறது.