'பிரேமம்' தமிழ் ரீமேக் குறித்து தனுஷ் விளக்கம்
- IndiaGlitz, [Wednesday,November 11 2015]
கடந்த சில மாதங்களுக்கு முன்னர் அல்போன்ஸ் புத்திரன் இயக்கத்தில் வெளியான மலையாள படமான 'பிரேமம்' கேரளாவில் மட்டுமின்றி சென்னையிலும் மாபெரும் வசூலை கொடுத்தது. சென்னையில் 150 நாட்களுக்கு மேல் ஓடிய மலையாள படம் என்ற பெருமையையும் இந்த படம் பெற்றது.
நிவின்பாலி, மடோனா செபாஸ்டியன் நடித்த இந்த படத்தின் தமிழ் ரீமேக் உரிமையை நடிகர் தனுஷ் பெற்றிருப்பதாகவும், விஜய்சேதுபதி நடிப்பில் இந்த படத்தின் ரீமேக் விரைவில் உருவாகவிருப்பதாகவும் கூறப்பட்டது.
ஆனால் தற்போது வெளிவந்துள்ள தகவலின்படி தனுஷ் இந்த படத்தின் ரீமேக் உரிமையை பெறவில்லை என்று கூறப்படுகிறது. ஏற்கனவே கடந்த சில நாட்களுக்கு முன்னர் தனுஷின் அண்ணன் செல்வராகவன், 'பிரேமம்' படத்தை பார்த்துவிட்டு, இயக்குனருக்கு தனது பாராட்டை தெரிவித்துவிட்டு, யாரும் இந்த படத்தை ரீமேக் செய்ய வேண்டாம் என்று கருத்து தெரிவித்திருந்தார் என்பது குறிப்பிடத்தக்கது.